Um okkur

Garðyrkjustöðin Engi var stofnuð 1985 af Ingólfi Guðnasyni og Sigúnu Elfu Reynisdóttur garðyrkjufræðingum. Garðyrkjustöðin stendur á 5,6 hektara landi í Laugarási í Bláskógabyggð.

Á Engi eru stunduð lífræn ræktun kirsuberjatómata og fjölda kryddjurta og salattegunda, einnig útiræktun matjurta og ávaxtarækt. Þar að auki gert hafa verið gerðar tilraunir með að rækta lækningajurtir svo sem hvönn og vallhumal. Auk nytjaplantna hafa verið gróðursettar hátt í hundrað tegundir af runnum og trjáplöntum á Engi.

Á veturna er áherslan á ræktun kryddjurta í pottum. Þær fást í verslunum á höfuðborgarsvæðinu og víðar. Meðal verslana sem selja vörurnar frá Engi eru Frú Lauga á Laugalæk, Yggdrasill, Melabúðin, Blómaval og Garðheimar. Einnig Hagkaup, Nóatún, Krónan og Fjarðarkaup en þar er hægt að fá kryddjurtir í pottum sem eru í ræktun allt árið um kring.

Á sumrin er mikið um að vera á Engi því þá eru til viðbótar við kryddjurtirnar ræktaðar ótal tegundir matjurta og seldar á grænmetismarkaðnum í garðskálanum á staðnum.

Á þessu vefsvæði er að finna margvíslegar upplýsingar um garðyrkjustöðina og framleiðslu hennar.

Hafa samband